“Türkiyə 2024-cü ildə 60 milyon turist gözləyir”.
Bunu Türkiyənin Türkmənistandakı səfiri Əhməd Dəmirok deyib.
“Dünya Turizm Təşkilatının məlumatına görə, Türkiyə 2022-ci ildə 50 milyondan çox turisti qəbul edərək, dünyada dördüncü sırada yer alıb. 2023-cü ildə 56,7 milyon turisti qəbul edən ölkə 54,3 milyard dollar gəlir əldə edərək, rekorda imza atıb. Bu il yeni rekordlar vurmağı planlaşdırırıq: 60 milyon turist və 60 milyard dollar gəlir”, - deyə Ə.Dəmirok Aşqabadda Türkiyənin turizm sənayesinin potensialına həsr olunmuş tədbirdə çıxışı zamanı deyib.
O qeyd edib ki, bu gün Türkiyənin hər bölgəsində dörd mövsüm ərzində müxtəlif turizm tədbirləri təşkil edilə bilər və ölkənin inkişaf etmiş infrastrukturu ona çoxlu sayda ziyarətçi qəbul etməyə imkan verir.
Mayın 1-i Türkiyədə ictimai nəqliyyat pulsuz olacaq.
Türkiyənin Qaziantep bölgəsində sərnişin avtobusunun qəzaya uğraması nəticəsində bir nəfər ölüb, 17 nəfər yaralanıb.
Əfqanıstanın qərbindəki Herat əyalətində silahlı şəxslərin məscidə hücumu nəticəsində altı nəfər həlak olub, daha bir nəfər yaralanıb.
